Мешіттің тыныс-тіршілігі
ҚОСТАНАЙ ЖӘНЕ ПЕТРОПАВЛ ҚАЛАЛАРЫНА КӨМЕК КӨРСЕТІЛУДЕ
Баршаңызға белгілі еліміздегі жағдайға байланысты 13-сәуірден бастап жылу жиналып жатыр. Сол іс-шарадан мешіт жамағаты да қалыс қалмады. Қайырымдылыққа атсалысып, қолдау көрсеткен баршаңызға Алла разы болсын!
ОРАЗА АЙТ ҚҰТТЫ БОЛСЫН!
РАМАЗАН АЙЫНЫҢ СОҢҒЫ АУЫЗАШАР КЕШІ ӨТТІ
9-сәуір күні Рамазан айының қорытынды кеші болған ауызашар ұйымдастырылды. Ауызашар кешіне 600-ден астам жамағат қатысты. Жамағат арасында «Зияткер жамағат» атты викториналық ойын ойнатылып, жүзден жүйрік атанған жігіттер марапатталды. Қасиетті Рамазан айында құран хатымға қатысқандар мен құранға түскен шәкірттер де елеусіз қалмады. Сәтбаев қалалық «Балмағамбет Балқыбайұлы» атындағы мешітте тарауық намазында хатым түсірген Нұрасыл қариға 1 500 000 тг сертификат табысталып, иығына шапан жабылды. Жезқазған мешітіне келген қариларға да құрмет көрсетіліп, әр қариға 100 000 тг сыйақы берілді. Ардагер имам Сенбіғали Жағыпарұлына шипажайға жолдама берілсе, дін жолындағы қызметі үшін ұстаз Сағындық Мұхиденұлына автокөлік сыйланды. Наиб имам Бауыржан Ғабдуллаұлына «Ел үлесі — пәтерге» жобасы бойынша пәтер берілді. Рухани кешке келген жамағат арасында умраға жолдама ойнатылып, кеш соңында қазақ хандары мен батырларына, абыздарына арнап құран-хатым жасалды.
СОҢҒЫ ТАРАУЫҚ НАМАЗЫ ОҚЫЛДЫ
РАМАЗАН АЙЫ БОЙЫ ҚЫЗМЕТ ЕТКЕН ТЕГІН ТАКСИ ҮШІН АЛҒЫС АЙТЫЛДЫ
Бір ай бойы тегін такси ұйымдастырылды. Қасиетті Рамазан айы бойы мешітте тарауық оқыған ақсақал қарияларға, ақ жаулықты әжелерімізге тегін такси ұйымдастырып, сол қызметте тұрақтылық танытқан барша жамағатқа алғысымызды білдіреміз!
«РАМАЗАН ТӘТТІСІ» ТАРАТЫЛДЫ
Қасиетті айда балаларды да қуанттық. Мешіт бас имамы Жансарин Бейбіт Бақытжанұлы қасиетті айда кішкентай бүлдіршіндерге «Рамазан тәттісін» таратты. 20-дан аса баланы қуантып, Рамазан айы мұсылман үшін ұлық мереке екендігін бір сездірді.
ҚАДІР ТҮНІНДЕ СӘРЕСІ ДАСТАРҚАНЫ ЖАЙЫЛДЫ
Қасиетті қадір түнінде 700 кісіге арналған сәресі дастарқаны жайылды. Сәресіде мешіт бас имамы Бейбіт Бақытжанұлы насихат айтып, жамағат таң намазын оқып бір-ақ тарқасты.
ЖАМАҒАТ МЕШІТІМІЗДЕ ҚАДІР ТҮНІН ӨТКІЗДІ
Алланың қалауымен 5-сәуір күні мешітімізде Қадір түнін жамағатпен бірге қарсы алдық. Қадірлі кеште мешіт бас имамы Бейбіт Бақытжанұлы құттықтау сөз айтып, рамазан басынан оқылған құран-хатым дұғасы жасалды. Тарауыққа өткен қариға құрмет көрсетіліп, алғыс айтылды. Жамағат арасынан бір бауырымызға умра сыйланып, Темірғали ақсақалға жамағат атынан шапан жабылды. Кеш уағыз-насихатпен, викториналық сұрақпен, еркін құлшылықпен жалғасты.
ТАРАУЫҚТА ОҚЫЛҒАН ҚҰРАН ХАТЫМ ДҰҒАСЫ ЖАСАЛДЫ
Қадір түнінде тарауық намазы бойы оқылған құран хатымның дұғасы жасалды. Мешіт бас имамы Бейбіт Бақытжанұлы еліміздің тыныштығы үшін, су апатынан зардап шеккен бауырларымыз үшін Алладан жәрдем тіледі.
ҚАСИЕТТІ ҚАДІР ТҮНІ ҚҰТТЫ БОЛСЫН!
ҚАДІР ТҮНІНІҢ БАҒДАРЛАМАСЫ ЖАРИЯЛАНДЫ
РАМАЗАННЫҢ ЕКІНШІ ОНКҮНДІГІНДЕ ҚАЙЫРЫМДЫЛЫҚ ЖАСАЛДЫ
Рамазан айының екінші онкүндігінде қайырымдылық жасалды. «Балмағамбет Балқыбайұлы» мешітінің бас имамы Бейбіт Бақытжанұлының бастамасымен және жергілікті кәсіпкерлердің қолдауымен әлеуметтік аз қамтылған 30 отбасыға киім-кешек үлестірілді. Алла баршамыздан қабыл етсін!
ҚАДІР ТҮНІ ЫҚТИМАЛ ТҮНДЕР АНЫҚТАЛДЫ
РАМАЗАН ҚОРЖЫНЫ ТАРАТЫЛДЫ
Рамазан қоржыны таратылды. «Балмағамбет Балқыбайұлы» мешітінің бас имамы Бейбіт Бақытжанұлының бастамасымен 250 адамға сәресі тағамы таратылды. Алла Тағала баршамыздың оразамызды қабыл еткей!
Көпбалалы дін қызметкеріне сый көрсетілді
Қасиетті Рамазан айында көпбалалы отбасыларды құттықтау мақсатында қаламыздың дін қызметкері Ермекбайұлы Ғалымжан имамға Бейбіт Бақытжанұлы бастаған «Балмағамбет Балқыбайұлы» мешіт ұжымы тосын сый жасады. Бес баланың әкесі болған ардақты имамның отбасына бақ-береке, қызметіне толағай табыстар тілейміз!
Наурыз мерекесіне орай 300 адамға наурыз көже таратылды
Мешіт бас имамы Жансарин Бейбіт Бақытжанұлының бастамасымен «Балмағамбет Балқыбайұлы» мешіті мен «Ұлар» мейрамханасы бірлесіп, осындай игі іс-шараны 2 күн бойы (22, 23 наурыз) атқарды. Наурыз мейрамы барша шаңыраққа береке әкелсін!
Әз-Наурыз құтты болсын!
15 наурыз — қайырымдылық күні
14 наурыз — Амал мерекесі
Қасиетті Рамазан айы бойы құран-хатым оқылуда
Ықыласты жамағаттар құран-хатымға оффлайн мешіт ішінде, онлайн инстаграмм желісінде тікелей эфирде қатыса алады. Рамазан — Құран айы, сол себепті рамазан айының берекелі әр күнінде қасиетті Құранды оқуға тырысайық!
Тарауық намазы басталды
Мешіт бас имамы Жансарин Бейбіт Бақытжанұлы мешітке келген барша жамағатты Рамазан айымен құттықтап, тарауыққа сап бастауға келген қадірлі қаримен таныстырды. Қасиетті айды сағына күткен барша халықтың жүзінен қуаныш лебі байқалады.
Қасиетті Рамазан айы құтты болсын!
Ардақты Пайғамбарымыз Мұхаммедке Алланың салауаты мен сәлемі болсын!
Құрметті жерлестер!
Баршамызды қасиетті Рамазан айына аман-есен жеткізген Аллаға сансыз шүкірлер болсын!
Сіздерді исі мұсылманның ұлық айы – Рамазанның келуімен шын жүректен құттықтаймын!
Әр отбасына бақыт пен береке, бірлік пен татулық тілеймін!
Алла тағала ұстаған оразамызды, жасаған дұғамызды, құлшылық-ғибадаттарымыз бен
қайыр-ихсан жақсылықтарымызды қабыл еткей! Әмин!
«Қош келдің, Рамазан!» атты рухани кеш өтті
Қала әкімінің міндетін атқарушы Алмат Өмірзақұлы, Ұлытау облысы дін істері басқармасының басшысы Дулат Рашидұлы сөз бастаған іс-шара дәстүрлі жарапазанмен, толғаулы термемен жалғасты. Ұлытау облысының бас имамы Елдос Қуандықұлы мен қала қонағы, РАНТ мүшесі Қанат Жұмағұл ұстаз уағыз-насихат айтты. Мешіт бас имамы Бейбіт Бақытжанұлы қорытынды сөз сөйлеп, 2 ай бойы «Рамазанға дайындық» челленджіне қатысып, жеңімпаз атанған жамағатты марапаттады. 2 бауырымызға Умраға жолдама беріліп, 2 кісіге шипажайға жолдама сыйланды. Мешіттен күнделікті қалмай жүрген 12 жасар шәкіртімізге велосипед сыйланды! Алла Рамазан айын баршамызға берекелі етсін!
“Балмағамбет Балқыбайұлы” орталық мешіті Cайтты дайындаған - smmdegenne.kz